SIL KASALLIGI PROFILAKTIKASINING GIGIYENIK ASOSLARI

Mazkur monografiya Farg'ona viloyati misolida aholining sil kasalligini oldini olishga qaratilgan gigiyenik chora-tadbirlarni takomillashtirish masalalariga bag'ishlangan. Ishda sil kasalligining tarqalishi va uning aholi sog'lig'iga salbiy ta'siri ko'rib chiqilib, xalqaro tajribalar va gigiyenik tamoyillar asosida chora-tadbirlarni amalga oshirish yo'nalishlari tahlil qilingan. Farg'ona viloyatining epidemiologik holati va mahalliy aholining yashash sharoitlari sil kasalligi bilan bog'liq gigiyenik omillar nuqtai nazaridan o'rganilgan. Monografiyada sog'lom turmush tarzini targ'ib qilish, aholining gigiyenik madaniyatini oshirish, tibbiy xizmat sifatini yaxshilash, shuningdek, innovatsion texnologiyalarni joriy qilish bo'yicha amaliy tavsiyalar ishlab chiqilgan.