Ds Wettrenne

E Gschicht in Bärndütsch E Schnägg, e Spinnele u ne Chäfer mache es Wettrenne. D Spinnele u dr Chäfer probiere so schnäu wie müglech a ds Ziu zcho. Dr Schnägg aber verliert sech im Momänt u schtuhnet ab auem, wo ihm ufem Wäg begägnet. Er gspürt viu, ghört viu u gseht viu. Er het sogar no es Schwätzli mit sire Nachbarin. Am Ziu isch dr Schnägg verwungeret, dass di angere zwöi nume ds Gwinne hei im Chopf gha. Wo er ihne verzeut, was er aues erläbt het, chöme die zwe nid zum Schtuune us. Sie chöi fasch nid gloube, dass sie so viu verpasst hei. Drum gö sie mit em Schnägg dr gliich Wäg wider zrügg - gaaanz gaaanz langsam. Nume isch es jitz aus angers: D Nachbarin isch nümme da u d Söiblueme wäggfrässe. Derfür hets ganz viu Nöis: Ds Ameisi u d Rägebogeschteine, d Frou Rägewurm u d Wasserrutschbahn u plötzlech sy ou d Spinnele u dr Chäfer vom Momänt verzouberet.