Burimet e influencës ruse në Ballkanin Perëndimor

Qëllimi i këtij studimi është të identifikojë burimet e ndikimit rus në Ballkanin Perëndimor. Mjeti më me ndikim dhe vdekjeprurës i Federatës Ruse është lufta e informacionit, e përbërë me taktika hibride. Moska me mjete të luftës së informacionit po përpiqet të vendosë njërën këmbë në Ballkanin Perëndimor. Metoda kualitative dhe kuantitative është përdorur për analizë dhe gjetjet përfundimtare. Rezultatet kryesore tregojnë se Rusia ka metoda të ndryshme për të ndikuar në zhvillimet politike në Ballkan.Rusia është aktor global në marrëdhëniet ndërkombëtare duke filluar që nga shekulli i XVII kur Pjetri i Madh dhe më pas Katerina e Madhe e ngritën statusin gjeopolitik të Rusisë në shkallë ndërkombëtare. Në kohën e sotit dhe sidomos pas vitit 2000 me ardhjen në pushtet të presidentit Vlladimir Putin, Rusia u bë më agresive dhe antagoniste në shkallë rajonale duke përfshirë këtu edhe Ballkanin Perëndimor. Rusia i shfrytëzon të gjitha mjetet dhe burimet për t¿i përmbushur objektivat kombëtare që kanë të bëjnë me strategjinë ruse për ndikim në zonat e dikurshme të influencës ruse.